雞蛋有極高營養，含豐富蛋白質、維他命及礦物質，膽固醇含量雖然很高，但是雞蛋沒有像其他反式脂肪的食物那樣增加膽固醇水平。專家最新的建議好像是大多數健康人士每星期最多可以吃七隻雞蛋。那麼我們繼續煮雞蛋吃吧。

研究結果 (即係四圍問朋友) 顯示，原來有很多人不知道如何成功地烚雞蛋，今次便分享一下烚蛋的小小秘訣。

1. 首先預備一隻雞蛋，一個扣針

2. 確保扣針清潔後，督一個窿

3. 有一個小小嘅針窿，隻雞蛋就唔會爆

4. 由於時間嘅關係，已經煲滾咗一煲水。慢慢跣隻雞蛋落去，確保全隻雞蛋浸喺水入面，水亦要全程滾住嘅狀態。開始計時 – 根據想要嘅生熟程度而烚5至9分鐘不等。用滾水烚蛋，生熟程度比較容易拿捏，涷水開始烚蛋好易過熟。

5. 烚咗6分鐘，即刻放隻雞蛋落已經預備好嘅冰水

6. 浸咗幾分鐘，可以剝殼了。浸過冰水剝蛋殼就容易得多。

7. 跟多士食

烚6分鐘嘅生熟程度如圖